Procedurat Doganore dhe Kontabilizimin e Import–Eksportit

Nivel kursi: Fillestar
Kohëzgjatja: 10 ore
Forma: Online
Certifikim: Certifikatë pjesëmarrje

Përshkrimi i programit

Ky program u dedikohet fillestarëve që duan të kuptojnë nga zero procedurat doganore, fletën doganore, import–eksportin, mënyrën e kontabilizimit, kostot, si edhe detyrimet doganore sipas Kodit Doganor të Republikës së Shqipërisë.
Trajnimi kombinon teori, shembuj praktikë dhe ushtrime mbi dokumente reale.

_________________________________________________________________

Objektivat e të nxënit

Në përfundim të trajnimit, pjesëmarrësi do të jetë në gjendje të:

Lexojë dhe plotësojë fletën doganore dhe të kuptojë fushat kryesore.
Kuptojë procesin e fiskalizimit në import–eksport.
Bëjë kontabilizimin e importit dhe eksportit, përfshirë rillogaritjen e kostos.
Identifikojë detyrimet doganore dhe t’i llogarisë ato.
Njohë bazat e Kodit Doganor, nomenklaturën e mallrave (HS Code) dhe procedurat e zhdoganimit.
Trajtojë raste për individë dhe biznese.
Zgjidhë një ushtrim final përmbledhës.

_________________________________________________________________

Plani mësimor

Tema 1 – Fleta doganore

Tipet e deklaratave doganore
Struktura e D.V.M. (Deklarata për Vendosjen në Qarkullim)
Fushat kryesore: deklaruesi, eksportuesi, importuesi, kodi i procedurës, vlera, pesha
Dokumentet shoqëruese
Shembuj praktikë & analiza e një flete reale
Fiskalizimi i fletës doganore dhe lëvrimi në sistem

Ushtrim: Plotësim i një deklarate doganore me të dhëna të thjeshtuara.Teste të ndryshme.

Tema 2 – Kontabilizimi & Rillogaritja e Kostos së Importit

Çfarë përfshihet në koston e importit (CIF, transport, sigurim, doganë, akcizë, TVSH)
Si rillogaritet kostoja sipas metodave standarde
Kontabilizimi i importit (hyrja e mallit në magazinë, fatura e doganës, fatura e furnitorit)

Ushtrim: Llogaritja e kostos së një importi të thjeshtë + kontabilizimi. Teste të ndryshme

Tema 3 – Importi & Librat e Blerjes

Procedura e importit hap pas hapi
Dokumentet kryesore (CMR, fatura, origjina, certifikatat)
Si regjistrohen blerjet në import
TVSH e importit: si deklarohet dhe si shfaqet në libra

Ushtrim: Regjistrimi i blerjeve dhe TVSH-së së importit. Teste të ndryshme

Tema 4 – Eksporti & Librat e Shitjes

Çfarë është eksporti dhe procedurat kryesore
Regjimi i TVSH-së në eksport (norma zero)
Dokumentet shoqëruese
Si pasqyrohet shitja në eksport në librin e shitjeve

Ushtrim: Regjistrimi i një shitjeje në eksport dhe fiskalizimi. Teste të ndryshme

Tema 5 – Tranziti & Regjimet e Veçanta Doganore

Çfarë është tranziti doganor?
Llojet e tranzitit
Dokumentet e tranzitit
Regjimet e veçanta doganore

Ushtrim:Teste të ndryshme

Tema 6 – Detyrimi Doganor & Kodi Doganor

Detyrimet doganore: përkufizim, vlerësimi dhe afatet
Llojet e taksave doganore
Nomenklatura e mallit: HS Code & TARIC
Hapat e zhdoganimit
E drejta e ankimimit dhe praktikat më të zakonshme
Si zgjidhen gabimet në deklaratë

Ushtrim: Gjetja e HS Code për disa mallra dhe llogaritja e detyrimit doganor. Teste të ndryshme

Tema 7 – Dogana për individët & bizneset

Çfarë rregullash vlejnë për individët (bagazhe, online)
Importet e bizneseve: mallra, shërbime, softuere
Kufizimet, ndalimet, produktet e kontrolluara
Raste të zakonshme për fillestarët

Ushtrim: Analizë rasti – blerje online vs import biznesi. Teste të ndryshme

Tema 8. Seanca Finale

Ushtrim Përmbledhës .Pjesëmarrësit marrin një rast të plotë importi:
- zgjedhin nomenklaturën
- plotësojnë fletën doganore
- llogarisin kostot
- bëjnë kontabilizimin
- regjistrojnë blerjen / TVSH
Test përmbledhës.Kursantët do të zhvillojnë një test përmbledhës për të gjitha temat e mësipërme.

_________________________________________________________________