Moduli 1: Fiskalitete, kontabilitet dhe njohuri fillestare për proceset – 8 orë (i detyrueshëm)

Ky modul trajton në detaje procesin e përgatitjes së Librit të Blerjes, Librit të Shitjes dhe Deklaratës së TVSH-së, të përshtatura posaçërisht për veprimtarinë në sektorin e ndërtimit. Gjatë leksioneve analizohen situata të ndryshme të subjektit, si:

• Investitor

• Ndërtues

• Prodhues betoni

• Ndërtues për vete

• Ndërtues që vepron edhe si investitor

Përveç aspektit fiskal, moduli fokusohet edhe në kontabilitetin e veprimtarisë ndërtimore, duke ofruar zgjidhje konkrete kontabël për çdo rast, që ndihmojnë në ndërtimin e pasqyrave financiare përfundimtare. Kjo krijon një lidhje të qartë dhe praktike midis raportimeve mujore dhe atyre vjetore të biznesit.

Për pjesëmarrësit pa përvojë në ndërtim, jepen edhe njohuri bazë mbi:

• Procesin e prodhimit të betonit

• Llojet e çimentos

• Proceset teknike kryesore të sektorit

Moduli 2: Ushtrime praktike (opsionale)

Seancat e trajnimit përfshijnë ushtrime praktike, të cilat kursanti i zgjedh vetë në mënyrë të pavarur, sipas interesit të tij. Gjatë trajnimit, kursantit i vendoset në dispozicion një ndërmarrje shembull dhe një ose më shumë programe kontabiliteti (Financa 5, Alpha Web, Elif, Parid SS, PosPlus, SmartFin) për zgjidhjen e ushtrimeve në kohë reale online.

Megjithatë, praktika realizohet kryesisht në mënyrë autonome, ndaj ky modul konsiderohet opsional. Ne rekomandojmë fuqimisht që kursantët të ushtrojnë vetë, pasi kjo përmirëson ndjeshëm përvetësimin dhe konsolidimin e njohurive.

Kërkesat paraprake:
Për pjesëmarrje në trajnim kërkohen njohuri të nivelit mesatar (minimalisht) për përdorimin e një software kontabiliteti informatizuar.